5. element

Freistir ísv. Kristi himmalferðadag

Hósdagin 18. mai er Kristi himmalferðadagur og fríggjadagin 19. mai er frídagur hjá donsku peningastovnunum og KT-veitaranum hjá okkum. Tí verða ongar bankaflytingar framdar hesar báðar dagarnar.

Freistirnar eru hesar, um peningur skal vera móttakaranum í hendi áðrenn Kristi himmalferðadag:

  • Lønarflyting: týsdagin 16. mai klokkan 15:30
  • Vanlig flyting til kontu í øðrum peningastovni: týsdagin 16. mai klokkan 18:30*
  • Flyting sama dag til kontu í øðrum peningastovni: mikudagin 17. mai klokkan 11:45*

*Tað ber eisini til at gera eina Skundflyting, sum ikki er tengd at heilidøgum. Tá er peningurin móttakaranum í hendi fá sekund eftir, at flytingin er framd.

Uttanlandsflytingar

Uttanlandsflytingar skulu í seinasta lagi vera avgreiddar á Netbankanum, mikudagin 17. mai klokkan 14, fyri at bankin kann avgreiða hesar áðrenn Kristi himmalferðadag.