Fært tú tær húsdjór, til dømis hund, fylgir stór ábyrgd við. Tú hevur ikki bara ábyrgd av at taka tær væl av djórinum, men eisini møguligum skaða, sum djórið kann gera.

 

Góð ráð um hundar

Vit hava savnað nøkur góð ráð til tín sum eigur ella umhugsar at fáa tær hund.

  • Hundar skulu vera væl vandir og ikki til ampa fyri onnur. Tann, ið ansar hundinum, hevur ábyrgdina av skaðum, hundurin ger.
  • Hundur er eitt sosialt djóraslag, og hann eigur tí ikki at vera einsamallur inni meira enn 8 tímar um dagin.
  • Hundar hava ikki loyvi at ganga leysir í Føroyum. Ein vaksin hundur krevur at ganga túr minst ein hálvan tíma tvær ferðir um dagin.
  • Tá hundur flytir inn til eina barnafamilju, mugu bæði børn og hundur læra, hvat er loyvt og ikki. Lat ikki smábørn og hundar vera einsamøll saman. Minst til, at tað altíð eru tey vaksnu og ikki børnini, ið eiga endaligu ábyrgdina av húsdjórum.
  • Mælt verður til, at allir hunda- og kettueigarar kippmerkja húsdjór síni. Eisini er skilagott at geva teimum hálsreim við navni og telefonnummari hjá eigarnum.
  • Tað er ikki skilagott at lata húsdjór sum føðingardags- og jólagávur.
Hundur djór

Hundatrygging

Í Føroyum er tað kravt við lóg, at allir hundar skulu vera ábyrgdartryggjaðir.

Um hundurin er ábyrgartryggjaður, ber til at tekna eina lívstrygging fyri hundin.

Les meira her
Hestur

Rossatrygging

Tryggingin er ein lívstrygging fyri ross, sum veitir endurgjald, tá sjúka ella óhapp viðføra, at rossið doyr ella sambært djóralæknaváttan má avlívast

Les meira her
Mín Trygging

Tínar tryggingar á einum stað

Skuldi skaði hent, mæla vit til, at tú brúkar skipanina "Mín Trygging" til at boða frá skaðanum. Tínir fyrimunir eru:

  • Stundislig fráboðan
  • Møguligt at senda myndir við fráboðanini
  • Skaðin verður viðgjørdur beinanvegin
  • Tú fært fráboðanir, tá ið støðan broytist (t.d. tá ið málsviðgerðin byrjar, skaðin er avgreiddur v.m.)
  • Yvirlit yvir tínar tryggingar, skaðar v.m.

Vit eru altíð klár at hjálpa tær

Hevur tú spurningar, ert tú altíð vælkomin at seta teg í samband við okkum

348 600

Send teldupost