Lesandi ella lærlingur

Vit hjálpa tær

Umhugsar tú at fara undir víðari lesnað ella í læru? Tá tú ert lesandi ella í læru eru pengarnir ofta ikki so nógvir. Tí er umráðandi at hugsa um tínar pengavanar, og tillaga nýtsluna eftir broyttu støðuni.

Í Ungdómsdeildini í Betri Banka leggja vit serliga stóran dent á at veita tær holla ráðgeving um tínar møguleikar og serligu tænasturnar til tín millum 18-28 ár. Sum kundi hjá okkum fært tú tín egna Ungdómsráðgeva, sum tekur støði í júst tær og tínum fíggjarviðurskiftum.

Soleiðis kann ein fíggjarætlan síggja út

Kári og Heidi eru bæði undir útbúgving. Kári er í læru sum timburmaður, og Heidi lesur á Setrinum. Saman leiga tey eina íbúð. Nú, tá inntøkan er so avmarkað, hava tey avgjørt at stovna eina Heildarkontu til fastar útreiðslur og eina Innlánskontu til mat fyri at hava betri skil á fíggjarviðurskiftunum. Afturat hesum hevur Heidi valt at arbeiða á eini matstovu. 

Sjálvt um tey ikki hava so nógvar pengar, vilja tey leggja eitt sindur av pengum til síðis hvønn mánað til óvantaðar útreiðslur, ferðing o.a.

Tey hava tí valt at seta 1000 krónur inn á eina Uppsparingarkontu um mánaðin. Alt ger mun og um summarið, tá Heidi hevur møguleika at arbeiða meira enn vanligt, setir hon enn meira inn á uppsparingina. 

Afturat hesum hava Heidi og Kári valt at flyta 1000 krónur um mánaðin inn á eina Bústaðarkontu fyri at spara upp til egnan bústað. 

Tá fastar útreiðslur, matur, uppsparing og annað er goldið, hava Kári og Heidi 3.980 kr. eftir at liva fyri.

Ger fíggjarætlan

Lestrarstarv

Eitt lestrarstarv ger góðan mun fíggjarliga afturat studninginum. Um tú harafturat ert so heppin at finna eitt starv, sum er viðkomandi fyri útbúgvingina, fært tú ikki bara fleiri pengar, men eisini viðkomandi arbeiðsroyndir og netverk. Tað einasta, tú skalt minnast til er at ansa eftir, at tú ikki tjenar meira enn loyvt. Les meira um hetta á heimasíðunum hjá stovnum sum Taks, Skat í Danmark. v.m.

Ungdómslán og Lestrarkredittur

Tá endarnir ikki røkka saman, kann ein loysn vera at taka eitt Ungdómslán ella fáa ein Lestrarkreditt. Vit mæla tær tó til at fáa tær eitt lestrarstarv og minka um útreiðslurnar, áðrenn tú tekur eitt Ungdómslán ella fært tær Lestrarkreditt. Minst til, at øll lán skulu rindast aftur, og rentur koma afturat læntu upphæddini.

Lán til ung

Flyta heimanífrá

At flyta heimanífrá er bæði spennandi og avbjóðandi. Tú fært størri frælsi, men eisini størri ábyrgd. Í Betri Banka hjálpa vit tær við fíggjarliga partinum, so tú veitst, hvat tú hevur ráð til, og hvat hóskar best til tína fíggjarstøðu og ætlanir.

Les meira