Leys størv

Her á síðuni sært tú, hvørji leys størv eru í løtuni, og um hvussu yrkisleiðin er sum næmingur.  Um eingi leys størv eru, ert tú vælkomin at senda okkum eina sjálvbodna umsókn.

Byrja tína yrkisleið sum bankanæmingur í Betri Banka

Dámar tær at ráðgeva og at finna góðar loysnir saman við kundanum? Nú hevur tú møguleika at byrja eina avbjóðandi og mennandi útbúgving við góðum framtíðarmøguleikum.

Á hvørjum ári sóknast vit eftir ágrýtnum og ábyrgdarfullum næmingum, sum brenna fyri at læra og veita framúr góða kundatænastu.

Læruplássini eru á deildum okkara í Tórshavn, Saltangará og Tvøroyri.


Næmingatíðin
Sum næmingur í Betri Banka verður tú partur av einum arbeiðsplássi, har samstarv og trivnaður eru í hásæti.

Í Betri Banka fært tú eina fjølbroytta og avbjóðandi útbúgving innan nútíðar peningastovnsvirksemi. Tú fært kunnleika til búskap, løgfrøði og fíggjarviðurskifti. Tú lærir at veita kundum okkara ráðgeving og tænastur í einum professionellum og kundavendum umhvørvi.

Tú fært rættiliga skjótt uppgávur, har tú kemur í beinleiðis samband við okkara kundar, og tí er tað umráðandi, at tær dámar at arbeiða við fólki, og at tú trívist við og hevur evni at seta teg inn í støðuna hjá øðrum.

Næmingatíðin er 2 ára long.

 

Útbúgving
Umleið eina viku um mánaðin gongur tú í peningastovnsskúla og ert við í próvgevandi lærugreinum. Í skúlatíðini hittir tú aðrar næmingar og fært høvi at sparra við og fáa íblástur frá teimum – og hvør veit, kanska fært tú vinir fyri lívið.

Um teg
Tú hevur lokið miðnámsútbúgving. Tú ert eisini vælkomin at søkja, um tú fært prógvið í summar.

Vit vænta, at tú:

  • ert ágrýtin og hevur áhuga at læra
  • trívist við at samskifta við kundar
  • hevur góð samstarvsevni og dugir at arbeiða sjálvstøðugt
  • trívist í einum skiftandi og fjølbroyttum arbeiðsumhvørvi.

 

Hví søkja?
Vit kunnu bjóða tær eina forvitnisliga útbúgving í einum nútímans peningastovni, har tú kanst menna teg bæði persónliga og fakliga, umframt eitt arbeiðspláss, har starvsfólkatrivnaður og kundanøgdsemi eru í hásæti.

Í bankanum arbeiða oman fyri 200 fólk, sum á hvør sín hátt gera Betri Banka til eitt avbjóðandi og áhugavert arbeiðspláss.

Hevur tú spurningar ella ivamál, ert tú vælkomin at venda tær til Katrinu Káradóttir, HR-ráðgeva, á tlf. 548113 ella t-post kaka@betri.fo, ella Beintu Wilhelm, HR-leiðara, á tlf. 548224.

Ljóðar hetta áhugavert, og kundi tú hugsað tær at verðið bankanæmingur hjá okkum, so ert tú vælkomin at senda okkum tína umsókn, CV og avrit av próvskjølum til starv@betri.fo.

 

Sjálvboðin umsókn

Tú ert vælkomin at senda okkum eina umsókn, har tú greiðir frá, hvør tú ert, hvar í bankanum, tú kundi hugsað tær at starvast, og hví tú kundi hugsað tær at arbeitt hjá okkum. Harumframt vilja vit fegin hoyra um tínar royndir og møguliga útbúgving. 

Umsókn og lívsrensl kann sendast til hr@betri.fo.

Vit goyma allar umsóknir í 6 mánaðir.