MIFID

MiFID reglurnar eru til fyri at verja teg sum íleggjara. Tað er tí neyðugt, at seta seg inn í og fáa kunning um eitt nú goymslu- og handilstreytir, áðrenn tú gert íløgur fyrstu ferð.

MiFID reglur

MiFID reglurnar taka støði í ES fyriskipanunum, "Markets in Financial Instruments Directive", eisini kallað MiFID, og komu í gildi í Føroyum 1. februar 2011.

Hevur tú Netbanka, ber til hjá tær at verða 'MiFID'að/ur' í Netbankanum. Tað ber ikki til at handla virðisbrøv í Netbankanum, um tú ikki ert MiFID'að/ur.

Endamálið við fyriskipanunum er millum annað at:

Økja gjøgnumskygnið hjá íleggjarum
Geva íleggjarum grundarlag at taka støðu út frá
Fáa samsvar í handilstreytir tvørtur um landamørk
Útgreina rættindi hjá íleggjarum og skyldur og ábyrgd hjá virðisbrævahandlarum

Flokking av kundum við virðisbrævagoymslu

Fyriskipanirnar áseta, at allir kundar við virðisbrævagoymslu skulu flokkast. Støðið á íleggjaraverjuni er treytað av, hvørjum bólki tú ert flokkaður í.

Vit flokka kundar okkara í hesar bólkar:

Detailkundar
Professionellir kundar
Góðkendir mótpartar

Detailkundar fáa størstu verjuna, tá handlað verður við virðisbrøvum.

Handil við ella uttan ráðgeving

Reglurnar áseta, at vit hava skyldu at savna inn upplýsingar um teg í samband við m.a. íløguráðgeving. Ynskir tú íløguráðgeving, skal bankin gera ein íløguprofil av tær. Hetta gert tú saman við okkara kundaráðgevum í Markets.

Treytir og politikkir

Reglurnar um íleggjaraverju áseta, at tú skalt móttaka eina røð av upplýsingum viðvíkjandi handli við virðisbrøvum.

Treytir og politikkir eru ein samantvinnaður partur av avtalu um virðisbrævahandil, ið tú skalt undirskriva, áðrenn tú fyrstu ferð handlar við virðisbrøvum.

Reglurnar hava onga ávirkan á innihaldið í tínari goymslu.

Tak niður skjøl viðvíkjandi MIFID

Hug til eitt íløguprát?

Fá meira at vita um íløgur frá okkara ráðgevum í Markets.

Ring Send teldupost Bílegg prát Gerst kundi