Kom við á Upplivingarveiðu, og ver við í veiðuni eftir hópin av vinningum 

Kvøldið er skipað sum ein skattaveiða. Tú fært ábendingar sendandi umvegis SMS-boð, sum leiða teg til ein ryggsekk.

Vit hava goymt tríggjar ryggsekkir við gávukortum frá Atlantic Airways í. Finnur tú ein ryggsekk vinnur tú ein ferðaseðil. Fyrstu ábendingina fært tú á deildini hjá okkum, síðani fært tú næstu ábendingarnar umvegis SMS boð.

Øll, sum luttaka eru við í lutakastinum um tveir ferðaseðlar frá Atlantic Airways - umframt teir tríggjar, sum eru í ryggsekkunum.

Vit bjóða pitsa og sodavatn eftir veiðuna.  

Tak vinir, systkin ella floksfelagar í hondina, og kom við til eina stuttliga veiðu!

• týsdagin 8. september
• klokkan 18
• á deildini hjá Betri Banka í Miðvági.

Gev gætur, at tú skalt vera 16 ár fyri at vera við.