Verðin er býtt upp í fýra økir, grønt, gult, appelsingult og reytt. Myndugleikarnir frámæla ferðing til lond, ið eru reyð - og frámæla óneyðugari ferðing til lond, sum eru appelsingul. Eru lond gul ella grøn, ber til at ferðast til tey. 

Tryggingin fylgir hesum tilmælunum.

Fyrst og fremst vil eg ráða tær til at fara inn á corona.fo, um.dk og coronasmitte.dk, har almennu tilmælini verða dagførd hvørja viku. Tú kanst eisini taka appina “rejseklar” niður, har allar upplýsingar eru at finna viðvíkjandi ferðum til tey ymisku londini, og hvussu ferðandi skulu fyrihalda seg til koronu.

Um tú keypir eina ferð til eitt øki, sum tað er frámælt at ferðast til, tekur avlýsingartryggingin ikki við, um tú ikki sleppur avstað. Er økið hinvegin grønt, tá tú keypir ferðina, ert tú tryggjað, sum vant - eisini um landið seinni skiftir lit, so tú kortini ikki sleppur avstað. Kunna teg tí um, hvønn lit londini hava, tá tú keypir ferðaseðilin.

Um tað verður frámælt at ferðast til økið, tá ferðin verður keypt og støðan er óbroytt, tá tú skalt avstað, er hetta ikki fevnt av tryggingini. Sostatt mást tú hugsa teg væl um, áðrenn tú keypir slíka ferð. Í løtuni viðmæla vit tær til at bíða sum longst við at keypa ferðina, og tí er kanska ikki, so skilagott at keypa longu nú, um ferðin ikki skal vera fyrr enn seinni. Broytingar henda skjótt, so best er at bíða.

So mást tú venda tær til tað felagið, ið tú skuldi ferðast við - antin ferðaskrivstovuna ella flogfelagið. Tryggingin fevnir ongantíð um endurgjald av ferðum v.m, tá talan er um gjaldsteðg (konkurs).

Um tú keypir hesa ferð nú, tá tað verður frámælt at ferðast, og konsertin síðani verður avlýst vegna koronu, so er hetta ikki fevnt av tryggingini. 

Um tú keypti áðrenn koronu ella meðan landið var gult ella grønt, so hevði støðan verið ein onnur, tí tá hevði tú ikki verið frámæld at fara. Keypir tú, meðan landið er reytt ella appelsingult, ert tú vitandi um vandan av koronu, men velur at taka kjansin kortini, og tað fevnir tryggingin ikki um. Tó mæla vit til, at tú setir teg í samband við møguligan veitara av ferðini/konsertini fyri at kanna, hvørjar møguleikar tú hevur.

Um tað ikki verður frámælt at ferðast til økið, og konsertin verður avlýst, so er avlýsingin fevnd av tryggingini, tí konsertin var endamálið við ferðini til eitt góðkent land.

Enn hava vit ikki nakað alment koppsetingarkort í Føroyum, og tí fylgir tryggingin bara almennu ferðatilmælinum við litunum. Sum støðan er beint nú, eru tí somu treytir galdandi fyri tey, sum eru koppsett, og tey sum ikki eru koppsett, tá hugsað verður um sjálva ferðina og trygging í hesum sambandi.

Nei, tíverri. Sama hvat endamálið er við ferðini, um tað er brúdleyp, hjálpararbeiði, føðingardagur osv, so fevnir tryggingin ikki um heimauppihald og sóttarhald við komu til landið, tí hetta eru viðurskifti, sum tú vart vitandi um, áðrenn sjálva ferðina.

Tað veldst um, hví tú verður sett/ur í sóttarhald. 

Ert tú blivin sjúk/ur av korona og tí verður sett/ur í sóttarhald, tekur ferðatryggingin við. 

Um tú hinvegin skalt í trygdarsóttarhald við komu til landið - ella um tú hevur verið saman við onkrum sjúkum, og tú tí av trygdarávum skal í sóttarhald, uttan at sjúka er ávíst, fevnir tryggingin ikki. 

Tað avgerðandi er, hvørt tú - ella ein í ferðalagnum - er blivin sjúk/ur. 

Tað er tí av stórum týdningi, at tú kannar landið, sum tú skalt til, áðrenn fráferð, tí tey ymisku londini hava ymisk tilmælir - og ymsar sóttarhaldsreglur.

Nei, tað ger hon ikki, um tú ikki ert blivin sjúk/ur. Tí mást tú kanna, hvørji tilmæli eru galdandi í økinum, tú skalt til.

Um so er, at tað ikki bleiv frámælt av myndugleikunum, at fara til Italia, men støðan broytist, meðan tú ert har ella meðan tú ert á veg til ferðamálið, so mást tú fylgja tí, sum myndugleikarnir á staðnum siga. Somuleiðis mást tú fylgja vegleiðingunum, sum danska Uttanríkismálaráðið kemur við. 

Um so er, at tú av hesum fært eyka útreiðslur til hotell v.m, so mást tú seta teg í samband við títt tryggingarfelag.

Um tað ikki verður frámælt at ferðast til landið, tá tú fert avstað, men støðan broytist eftir at tú ert komin til landi, so mást tú fylgja boðunum frá myndugleikunum á staðnum og boðunum frá danska Uttanríkismálaráðnum. 

Um so er, at tú hevur eyka útreiðslur til heimferðina, so er hetta fevnt av tryggingini, men tú mást fyrst og fremst halda teg til boðini hjá myndugleikunum og síðani ringja til okkum ella SOS fyri at kanna, hvussu tú skalt fyrihalda teg.

Ja, um tú gerst brádliga sjúkur á ferðini við t.d. koronu, so fevnir tryggingin um hetta á sama hátt, sum aðrar brádligar sjúkur. 

Tryggingin fevnir um brádliga sjúku á ferðini og neyðugar og hóskandi útreiðslur til læknahjálp, heilvivág v.m. 

Her skalt tú tó minnast til, at um tú hevur útreiðslur til læknahjálp ella heilivág, skalt tú goyma øll skjøl og kvittanir og síðan senda tey til tryggingina, tá tú boðar okkum frá sjúkuni. Sama ger seg galdandi, um tú ikki sleppur heimaftur sum ætlað, orsakað av sjúkuni, og tær útreiðslur, sum standast av hesum. 

Um tú skalt í sóttarhald á staðnum, tí tú ert smittaður við koronu, so fevnir tryggingin um tað.

So ráða vit tær til at ringja til SOS(bláa kortið), sum hjálpa tær víðari. Um óvætnað og álvarsom støða stingur seg upp heima, meðan tú et burturi, tekur tryggingin við, so tú sleppur heim sum skjótast.

Tú ert fevnd/ur av tryggingini, til tú ert komin heimaftur, men ikki eftir, at tú ert komin heim So nei - tryggingin fevnir ikki um heimauppihaldið eftir heimkomu.

Tá talan er um vinnuferðir, kunnu aðrar treytir verða galdandi. 

Ávísar vinnuferðir eru til dømis loyvar til appelsingul lond. Tí mást tú kanna, hvat fyri ferðatrygging arbeiðsgevarin hevur - og síðani hvat er galdandi fyri hesar treytir. Best er at kunna teg bæði hjá myndugleikum og hjá tryggingini áðrenn.

Um so er, at heilsuverkið sendir teg til viðgerð uttanlands - saman við einum fylgjara - so mæla vit tær til at venda tær til uttanlandstænastuna á sjúkrahúsverkinum, fyri at fáa vegleiðing. 

Somuleiðis mæla vit tær til at kanna tína egnu ferðatrygging. Um tú hevur ivamál, mæla vit tær til at seta teg í samband við títt tryggingarfelag og við sjúkrahúsverkið.