Onnur lán

Í Betri Banka hava vit ymisk lán til ymisk endamál. Sig okkum, hvat tú hevur brúk fyri, so finna vit rætta lánið til tín.

Lán við trygd í innistandandi

Lán við trygd í innistandandi er ætlað tær, sum eigur pening, men ikki ynskir at brúka av uppsparda peninginum. Fyrimunurin við láninum er lagaliga rentan. Tú fært eina lagaliga fígging, sum er skjót at stovna, og peningurin er tær skjótt í hendi.

Neyðugt er at veita trygd fyri láninum í innistandandi peningi. Rentan er broytilig, sum merkir, at hon kann hækka ella lækka í lánitíðarskeiðnum.

Kostnadir

Bátalán

Hevur tú funnið dreymabátin? Í Betri Banka fært tú kappingarført lán til keyp av nýggjum ella brúktum báti undir 5 bruttotons.

Er talan um nýggjan bát skalt tú hava 30 prosent í eginpeningi, og afturgjaldstíðin kann í mesta lagi vera 10 ár. Er talan hinvegin um brúktan bát, skal lánið verða útgoldið, tá báturin er 10 ára gamal. Er báturin til dømis 3 ára gamal, tá tú keypir hann, er afturgjaldstíðin í mesta lagi 7 ár. Rentan á Bátaláni er broytilig.

Fyri at vit kunnu viðgera umsóknir um Bátalán, er neyðugt at upplýsa navn, stødd og keypsprís á bátinum, havna- og kennibókstavir, umframt alt um maskinuna.

Snarlán

Sum heitið á láninum sigur, er Snarlán skjótt at stovna. Tær nýtist ikki at veita trygd fyri láninum, og peningurin er tær skjótt í hendi.

Tú kanst í mesta lagi læna 50.000 krónur. Av tí at eingin trygd er fyri láninum, er hetta eisini tað dýrasta lánið við eini afturgjaldstíð á í mesta lagi 2 ár.

Snarlán hevur broytiliga rentu, og vanliga hægri rentu enn onnur lán.

Ivast tú?

Set teg í samband við okkum og finn út av, hvat letur seg gera hjá tær fíggjarliga og kom eitt fet nærri tínum dreymum. Vit hava drúgvar royndir við at hjálpa øðrum í somu støðu.

Ring Send teldupost Bílegg prát Gerst kundi